01 | 飛甩老套 2016 最新酒店Buffet PLAYT
有個強勁Kitchen Theater，廚師們就在此準備食材及煮食，好像睇表演一樣，更落足重本帶來 24 個月匈牙利國寶級捲毛豬、即烤西型牙乳豬、炭火焗爐Pizza、即開生蠔、現炸天婦羅、印度天多尼烤雞等，看得人「嘩嘩」聲，快啲集完郵，再勁食 夏日Buffet ！
記者點評
優點：餐廳設計潮爆，食物質素賣相高質，回本之選必食捲毛豬火腿及生蠔，雪糕口味創新特別，試業期間會控制入座數目，以保服務質素。
缺點：生蠔和涷海鮮排隊凌亂，飲品需額外加錢。
PLAYT
地址：銅鑼灣告士打道 310 號柏寧酒店 1 樓
電話：2839 3311
供應時間：6:30pm-9:30pm
供應日期：即日至 8 月 31 日
收費：成人 $538、小童 $338（星期一至四）成人 $558、小童 $348（星期五至日、公眾假期及前夕）
備註：設加一、收信用卡、需提早 3 天訂座、優惠期間訂座 6 – 12 位自助晚餐，送意大利有氣葡萄酒一支及西班牙乳豬一隻、網上以優惠碼[ PARTY ]訂座可有八折優惠
02 | 進擊之龍蝦十八變 2+2 Café
今年龍蝦四處橫行，仲入侵自助餐！大廚特意選用美國波士頓龍蝦，隻隻肉厚多膏。回本最快必食開邊芝士焗龍蝦和爐端燒龍蝦，同場還有薑蒽炒、避風塘龍蝦鉗、上湯芝士龍蝦伊麵和龍蝦粥；日系的則有龍蝦芒果牛油卷物；也有泰式咖喱龍蝦、龍蝦喇沙、法式龍蝦湯……龍蝦fans必定心心眼！甜品方面，仲有龍蝦Tiramisu蛋糕，味道出奇地驚喜，看來龍蝦們今夏勢要佔領Buffet枱！
記者點評
優點：龍蝦菜式很多元化，有 18 款！龍蝦甜品創新得來不騎呢，還有驚喜。整體食物高質，生蠔肥美、刺身壽司新鮮，現煮廚房香氣四溢。Refill 亦夠快。
缺點：欠缺了凍龍蝦，無法品嚐最鮮最甜的真味。甜品區的蛋糕味道不錯，惟質感普遍鬆散，雪藏度不足。
2+2 Café
地址：沙田白鶴汀街 8 號帝都酒店 3 樓
電話：2694 3886
供應時間：6pm – 10pm
供應日期：即日至 8 月 31 日
收費：全時段（6pm – 10pm）成人 $598、長者 $418、小童 $318
優惠時段（5:45pm – 7:45pm）（8pm – 10pm）成人 $418、長者 $298、小童 $248
備註：設加一、收信用卡
03 | 蟹癡召喚！勁食十五道蟹饌 灣景廳
接近前臂長的阿拉斯加皇帝蟹腳、加拿大雪花蟹腳，還有大大隻多膏法國麵包蟹，統統任食。其他免落手拆的蟹菜有蟹肉沙律配黑魚子醬，菲律賓蟹肉配各種醬汁，口感和味道豐富。還有蟹肉杯清新消暑，九層塔香辣炒肉蟹啖啖肉、重口味！同場更有芝士釀蟹蓋，每啖都是邪惡芝味。中式蟹菜還有蟹肉冬茸羹、酥炸蟹肉海鮮丸，以及用花蟹、藍蟹、三點蟹等熬成的水蟹粥，蟹迷必all kill！
記者點評
優點：皇帝蟹腳肉質極爽甜！麵包蟹膏口感軟滑！食物款式都算多元化，性價比高。罕見地設有圓餐桌，適合大夥人。
缺點：部分蟹菜選用罐頭蟹肉，略略扣分。Buffet枱較窄，食物擺位頗迫。
灣景廳
地址：灣仔港灣道 4 號灣景國際 1 樓
電話：3909 9088
供應時間：6:30pm – 9:30pm
供應日期：即日起至 8 月 31 日
收費：成人 $458、長者 $418、小童 $348（星期一至四）成人 $498、長者 $448、小童 $378（星期五至日、公眾假期及前夕）
備註：設加一、收信用卡，即日至 7 月 31 日期間，成功訂位並於三日內預緻每位$100訂金，每位可減$70（星期一至四）及$90（星期五至日、公眾假期及前夕）優惠
04 | 首爾洲際加持！高檔精緻韓食 港畔餐廳 Harbourside
多款韓菜於自助餐輪流供應，1++級的韓牛壽司、現烤牛肋骨，即叫即做。部分韓菜及甜品更是少見，如什錦拼盤麵餅卷、炸鱈魚乾拌辣醬，及果仁棗子甜米餅、柿乾合桃糖水等傳統韓式甜品。還有人參雞，湯色清徹不油膩，更可以另配韓式麵條。其他韓食如海鮮薄餅、石頭鍋飯也有供應。當然還有大熱的凍海鮮、海鮮燕窩湯、海膽壽司、魚子醬和鵝肝，絕對滿足吃貨的胃口。
記者點評
優點：韓牛用上最高級的1++，夠名貴。傳統韓食有驚喜，部份款式香港少見。菜式辣度、甜度有稍作微調，貼心照顧港人口味。
缺點：主題料理每晚只得十多款，好在有魚子醬、鵝肝、海膽、大量凍海鮮回本撐場。韓式醃菜部分為來貨，若自家醃製會更有誠意。
港畔餐廳 Harbourside
地址：尖沙咀梳士巴利道 18 號香港洲際酒店下層
電話：2313 2323
供應時間：6pm – 10pm（甜品供應至 10:30pm）
供應日期：即日至 7 月 31 日
收費：成人 $868、小童（3 – 11 歲）$608
備註：設加一、收信用卡
05 | 工廈Food Court變身甜品自助餐 The Story Café
製作認真，甜品師傅曾於六星級酒店餅房掌廚，超過 25 年經驗，以紅爆日本的Kiri忌廉芝士來做Cheesecake，十多款甜品中必試焦糖燉蛋，以半蒸焗的造法保持滑溜口感。法式Macaron有齊藍莓、紅桑子、榛子等六款口味。除了甜品，同場還有少量鹹點如泰式春卷、咖哩角、七味炸雞軟骨、日式蟹籽沙律等，價錢非常經濟，$126 就有交易，作為一個下午茶Buffet，超抵食！
記者點評
工廈Food Court搞自助餐，又平又夠新體驗。甜品用料足之餘，選料上亦高質，感覺上更抵食。本身期望不高，試過先發現味道抵讚，無假甜、假朱古力味、香精味，食到新鮮食材味道，絕非頹食。
甜品賣相未夠精緻，造型似街坊餅店甜品。用餐環境為Food Court格局，相對地比較嘈吵。
The Story Café
地址：觀塘駿業街 56 號地下 D 舖
電話：2725 3012
供應時間：3pm – 5pm
供應日期：即日起至 8 月 28 日，逢星期六及星期日供應
收費：原價 $158；優惠價連加一 $126（大小同價）
備註：不設加一、收信用卡，另有晚市6pm – 9pm自選一款主菜及甜品自助餐（原價 $258；優惠價連加一 $206）