01) 泰式香葉肉碎炒麵
東洋水產嘅世界杯麵系列繼上年年尾出咗羅宋湯味及周打蜆湯味後，第三彈將推出香辣口味，啱晒呢個夏天。有兩種口味﹕泰式香葉肉碎味及美式香辣炒飯味，兩款都非常惹味。
【發售地方】日本全國便利商店､超級市場
【發售日期】5月2日
【價格】180YEN(不含稅)
02）Super Cup柚子胡椒鹽味豚肉杯麵
唔食得辣唔緊要，可以試吓呢隻Super Cup系列嘅柚子胡椒鹽味豚肉杯麵。夏天食最清爽！
【發售地方】日本全國便利商店､超級市場
【發售日期】5月2日
【價格】200YEN(不含稅)
03）爆肉薯片
睇完深恭套「請與癈柴的我談戀愛」係咪都俾佢傳染咗成日都想食肉呢？呢款新出品嘅爆肉薯片就啱晒你喇！買唔到舊生肉攬枕，買包薯片做手信都好丫，起碼唔會咁呀JA。
【發售地方】日本全國便利商店､超級市場
【發售日期】5月2日
【價格】132YEN(不含稅)
04）夏日限定口味桃哈多
桃哈多將推出夏季限定口味﹕朱古力香蕉味及雲呢拿鹽味。朱古力香蕉味特別呈現出夏日祭典中好受歡迎嘅朱古力香蕉嘅感覺；雲呢拿鹽味則採用沖繩產嘅鹽，重現出雲呢拿雪糕嘅味道。
【發售地方】日本全國便利商店､超級市場
【發售日期】5月2日
【價格】各122YEN(不含稅)
05）Tough「軟」糖 激系列
喺日本出名超UN嘅Tough方形「軟」糖，今個5月推出激系列。「軟」糖加大，更UN之餘，口味亦激，係加咗咖啡因嘅能量可樂味及能量飲料味，返工上堂眼訓食一粒，即刻醒晒！
【發售地方】日本全國便利商店､超級市場
【發售日期】5月17日
【價格】180YEN(不含稅)
下一頁：仲有5款推介！當然唔少得 Haagen-Dazs 期間限定口味！
06）期間限定 鏡月乳酪櫻桃味燒酒
鏡月燒酒喺日本好受年輕女性歡迎，包裝非常Lady，又易入口，係燒酒底嘅甜酒。啱啱3月先推出咗新口味荔枝味，仲搵嚟人氣爆燈嘅石原聰美嚟賣廣告。今次就喺最受歡迎嘅櫻桃味燒酒加入乳酪，期間限定發售，過咗就無㗎喇！
【發售地方】日本全國便利商店､超級市場
【發售日期】5月24日
【價格】775YEN(不含稅)
07）RIZAP監修低糖濃厚芝士蛋糕
想食甜品，但又驚攝取太多糖份？RIZAP新出嘅低糖濃厚芝士蛋糕就啱晒你喇！喺海綿蛋糕上淋上芝士再焗成，糖份減半，只有5.9g，但依然咁好味。因為極力控制用粉量，所以就好似食緊真正嘅芝士一樣。期間限定兩個月，想試就要趁手喇！
【發售地方】日本全國便利商店､超級市場
【發售日期】5月1日～7月31日
【價格】開放定價
08）抹茶味 大人之小蘑菇小竹筍
大人之小蘑菇小竹筍系列推出後一直反應不俗，今次就新推出抹茶味。特別採用西尾產用石臼磨嘅抹茶，比普通版嘅抹茶多一份苦味。一大包入面有8小包，兩種種類都有。
【發售地方】日本全國便利商店､超級市場
【發售日期】5月10日
【價格】開放定價
09）夏季限定Pocky椰子､巴西橙味
Pocky都出夏日限定口味，分別有椰子及巴西橙味。椰子味採用美容效果非常好嘅椰子油；巴西橙味就暗藏芒果味，酸酸甜甜，啱晒夏天。
【發售地方】日本全國便利商店､超級市場
【發售日期】5月10日
【價格】開放定價
10） 吉列牛排味薯片
湖池屋經常研發特別味道嘅薯片，好似香蕉味､蜜桃味咁，今次就推出而家最近喺日本幾Hit嘅吉列牛排嚟做新口味！湖池屋以Wasabi醬油嚟調味，完全重現吉列牛排嘅味道。之前睇杜如風喺《關西攻略》食吉列和牛食得咁開心，唔知呢個吉列牛排薯片有幾似呢？
【發售地方】日本全國便利商店限定
【發售日期】5月9日
【價格】開放定價
私心推介！！Haagen-Dazs香蕉雪糕拚士多啤梨雪芭
想即場試食5月新品，Haggen-Dazs嘅夏季口味就係必然之選啦！香甜嘅香蕉雪糕配上酸酸嘅士多啤梨味雪芭，Haggen-Dazs嘅Fans一定唔好錯過呀！
【發售地方】日本全國便利商店､超級市場
【發售日期】5月24日
【價格】272YEN(不含稅)
延伸閱讀：
多圖！羽田 Air Bic Camera 開幕巡禮 退稅熱賣 8 款貨品樣樣齊
日本東京 7 大爆買手信 | 藥妝篇
日本退稅 新措施5月開波！以後遊日唔使再帶現金同信用卡？
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
