日本名物過江台北引伸排隊潮或許見怪不怪，但這間名古屋矢場豬扒專賣店，開幕首周比預算超賣 3 倍，至今兩度賣斷貨臨時休市。咁巴閉，吃貨記者當然要搶先試食！
甫坐低，店員首推「熱滋滋」上枱的鐵板炸豬扒，但大胃的我已經一早敲定挑戰特大里肌豬扒！選用台灣本土豬裹日本麵衣油炸，再由店員即席淋上甘甜稠厚的味噌醬，釀製自熟成年半的豆味噌和 70 年的獨門秘方。厚切豬扒肉質扎實，外皮輕薄酥脆，被濃醬浸沒的一邊汁嫩鬆軟，油花細緻，絲毫不膩。同場加映 17 厘米長的特大虎蝦，蝦肉彈牙鮮甜，怪不得排一個鐘隊都無怨無尤啦！
吉列豬扒和味噌雙醬齊下，麵衣炸得金黃酥脆，豬肉部位可選腰肉或里肌，前者厚實有嚼勁，後則油脂相對多，秘傳味噌醬鹹中帶甜，佐飯零舍開胃。
虎蝦誇張得比面更長，鬆脆的炸皮下肉厚鮮嫩，蝦味出色，實力拍得住王牌豬扒！
矢場味噌豬扒
地址：中正區信義路二段 171 號 1 樓
營業時間：星期二至日 11am-9:30pm
交通：乘捷運至東門站 8 號出口，步行 1 分鐘。