相信有去過韓國玩嘅朋友，必定有試過這個 Binggrae 出品嘅胖胖樽型香蕉奶。雖然韓國很多品牌都有推出香蕉奶，但最受歡迎嘅非 Binggrae 香蕉奶莫屬，早前人氣爆燈嘅韓劇「請回答吧1988」裡也經常發現佢嘅身影，可想而知佢嘅國民級地位。上星期 Binggrae 香蕉奶終於進軍餐飲界，咖啡店名為Yellow Cafe，落腳於購物熱點東大門。大家逛街逛到累嘅時候，不妨飲杯香蕉奶充電一下。

Yellow Cafe 店面不大，座位亦不多，採自助形式。可能係新開幕嘅關係，在Counter點餐後，並無好似其他 Cafe 咁附上震動器，所以需要非常留心店員嘅出餐。

既然係香蕉奶Cafe，內部裝潢，以致掛畫燈飾都離不開香蕉奶造形。當中最吸睛嘅當然係門外超巨型香蕉奶，不論男女老少都爭住同佢合照。哩個巨型香蕉奶瞬間在Instagram 佔了不少版面。

哩個香蕉奶藝術裝置也非常有心思。店家表示平均每50秒就賣出458瓶香蕉奶，於是手工制作咗458個香蕉奶造型雕飾，以表達感激之情。

好喇來到重點項目，究竟Yellow Cafe 有咩美食呢？

現階段Yellow Cafe主要售賣香蕉奶炮製嘅飲品，甜品方面亦只有雪糕，布丁、芝士撻及小蛋糕。據編輯目測，當中以香蕉奶雪糕及奶昔最受歡迎。

01) 香蕉奶雪糕(KRW3,500)

香蕉奶味道濃郁，雪糕筒有糖霜作裝飾，非常吸睛，難怪很多韓國人都手拿一枝雪糕瘋狂拍照。雪糕溶化的速度蠻快的，大家記得要趕快食咗佢呀。

02) 香蕉奶奶昔 (KRW5,700)

奶昔上面有香蕉奶雪糕作Topping，先吃一口雪糕，再跟奶昔混在一起飲，濃濃嘅香蕉奶味在口中漫延，非常幸福。有雪糕又有奶昔，只需KRW5,700，相比其它產品，算抵食之選。

下一頁：仲有其他好嘢食！睇埋必買手信！

3) 芝士撻 (KRW3,500)

芝士撻雖然比不上流心芝士撻，但勝在印有可愛香蕉奶Icon。芝士味尚算濃郁，但餅皮不夠香及鬆化，如果係熱辣辣嘅話，味道應該更佳。

4) 香蕉紅茶拿鐵 (KRW4,800)

剛開始可以分別飲到香蕉味及紅茶味，但飲到最後會只剩紅茶味，有點失色。

5) 香蕉拿鐵 (KRW4,500)

究竟香蕉奶跟咖啡可以衝擊出點樣嘅味道呢？哩杯香蕉拿鐵，咖啡味遠勝香蕉味，只有淡淡的香蕉香，讓人有點小失望，但很適合陪朋友來，但對香蕉無感嘅朋友XD不過如果想要品嚐濃郁嘅香蕉奶味，還是建議大家點香蕉奶昔喔。

又食又買！Yellow Cafe 必買手信！

Cafe 一角有售賣杯子、環保袋、鎖匙扣等紀念品。

當然少不了香蕉奶餅乾、蛋糕等零食，讓你又食又拎，把香蕉奶美味帶返香港。

如果買膩咗Market O、蜂蜜奶油薯片、紫菜等手信，不妨買這些香蕉奶零食回家，跟大家開心Share。

Yellow Cafe

地點：東大門Hyundai City Outlet 地下二樓
（東大門站8號出口或東大門歷史文化公園站14號出口）
營業時間：星期日~星期三 11:00am~10:00pm | 星期四~星期六 11:00am~11:00pm

最新的韓國入境要求詳情？

韓國宣布即日起至2月底，所有來自香港及澳門航班必須使用仁川國際機場降落， 即睇：韓國入境最新要求限制。在入境日本前，建議也可買定韓國電話卡，部分更有通話功能，以及選定心儀酒店。

韓國首爾有什麼好玩推薦？

首爾美食多籮籮，即睇美食推介，而醬油蟹絕對是其中一樣必食美食；一人旅遊到首爾不知到哪覓食？大可到訪首爾可以一個人用餐的人氣獨食餐廳。玩樂方面，滑雪是不可錯過的活動，5大滑雪場適合新手一日遊，亦可到樂天世界大玩遊樂設施及韓服體驗。另外，也可用幾日時間到釜山玩返轉，即睇首爾去釜山交通懶人包。準備到首爾賞櫻花的大家，可預先一看首爾櫻花預測及賞櫻地點推介。