日本3月便利店10款必試零食速報！

【發售地方】日本全國便利商店、超級市場
【發售日期】3月1日
【價格】130YEN(不含稅)

02) Pasco 期間限定綠茶紅豆蜜瓜包

其實 Pasco 年年都會出呢隻蜜瓜包，唔知係咪次次都係期間限定，所以大家依然話好期待，等左咁耐終於都出喇咁，仲上埋最想食嘅麵包榜嘅第一位添。綠茶味蜜瓜外皮非常鬆脆，中間嘅抹茶 Cream 厚實，帶有少少抹茶特有嘅苦味，中和番北海道產甜納豆嘅甜味，味道啱啱好。

【發售地方】日本東北、關東、中部、近幾、中國、四國地區便利商店、超級市場
【發售日期】3月1日~4月30日

03) Pasco濃厚抹茶切餅

繼上年10月推出大受好評嘅濃厚朱古力切餅後，今次 Pasco 就出咗濃厚抹茶切餅。係風味濃厚嘅宇治抹茶，同濃郁白朱古力嘅結合。一盒細細舊得4件，但綠茶味非一般濃，抵番晒。放入冰箱雪雪佢仲好味，好似抹茶生朱古力咁，口感更軟滑細緻。

【發售地方】日本東北、關東、中部、近幾、中國、四國地區便利商店、超級市場
【發售日期】3月1日
【價格】155 円

04) 傳統雪條GaliGali君櫻花麻糬味

作為日本傳統雪條代表之一嘅 GaliGali 君經常推出新奇口味，適逢賞櫻時節，今次就出左和風口味嘅櫻花麻糬。櫻花味雪條外層帶D鹽味，雪條中間嘅上層部分係軟滑嘅麻糬醬，下層就係紅豆，味道清爽，喺櫻花樹下食一支可以應下景。

【發售地方】日本全國便利商店﹑超級市場
【發售日期】3月1日
【價格】140YEN(含稅)

05) 明治浸多左朱古力嘅大粒蘑菇

佢個名真係叫做浸多咗朱古力嘅大粒蘑菇，唔係編輯作嘢架……講緊嘅係明治招牌產品朱古力蘑菇，今季話浸多咗朱古力，連菇柄都有一層朱古力，仲話係新發現嘅品種添。因為係特別嘅品種(誤)，所以一盒得8粒，但成粒都係朱古力，所以每次食一粒已經好夠。

【發售地方】日本全國便利商店﹑超級市場
【發售日期】3月1日
【價格】200YEN(不含稅)

下一頁：其餘5款必試  仲有4月預告！

06) Chiroru可烤焗蘋果朱古力

Chiroru 繼上次出過可烤焗檸檬芝士朱古力之後，又有新搞作，今次就推出可烤焗蘋果朱古力。脆脆嘅餅乾底，加上蘋果味朱古力，焗一焗就變成一口蘋果批，好想快啲買嚟玩吓呀！

【發售地方】日本全國便利商店、超級市場
【發售日期】3月7日
【價格】100YEN(不含稅)

07)爽！冷凍蜜柑味雪糕

上次爽系列推出完當造嘅士多啤梨味之後，今次就出番復古口味冷凍蜜柑。以前日本學校午餐都會有冷凍蜜柑，令日本人非常懷念呢隻味。為咗可以更真實咁再現冷凍蜜柑嘅口感同味道，開發者仲專程走訪日本各地，試食同比較唔同地區嘅蜜柑，睇下邊一種最適合爽系列雪糕。

【發售地方】日本全國便利商店､超級市場
【發售日期】3月7日
【價格】130YEN（不含稅）

08) 樂天Layer Cheese Cake味朱古力棒

最近都有唔少品牌推出Layer Cheese Cake口味嘅零食，今次就輪到樂天嘅Toppo餅乾棒出喇！比起一般濃厚嘅芝士味，Layer Cheese帶微酸，係清爽嘅甜味。Toppo嘅朱古力醬係喺餅乾棒嘅中間，唔會整污糟手，非常方便。

【發售地方】日本全國便利商店、超級市場
【發售日期】3月8日
【價格】150YEN(不含稅)

09) Mon cher旗下新品牌Spur Moncher雪糕

喺關西堂島以堂島卷發跡嘅甜品鋪Mon cher，最近聯同赤城乳業成立咗新品牌「Spur Moncher」，將會推出3款雪糕，分別係蜜桃士多啤梨芝士味､紅茶士多啤梨味及朱古力曲奇雲呢拿味。最值得期待嘅係蜜桃味雪糕上面嘅蜜桃味脆脆曲奇同埋紅茶味雪糕。包裝十分精美，成個蛋糕仔咁，滿足晒女仔嘅少女心。

【發售地方】日本全國便利商店､超級市場
【發售日期】3月8日
【價格】130YEN（不含稅）

10) Chiroru黑蜜黃豆粉布甸

Chiroru除左積極研發烤焗系列朱古力粒嘅新口味之外，仲同其他公司合作推出新產品。好似呢隻黑蜜黃豆粉布甸，就係同北海道乳業合作研發嘅期間限定商品。以北海道產新鮮牛奶作基本，混入日本產焙煎過嘅黃豆粉，加上濃厚黑蜜醬，味道温和啱啱好。

【發售地方】除沖繩及部分地區外，日本全國便利商店､超級市場
【發售日期】3月15日
【價格】140YEN（不含稅）

下期預告：Haagen Dazs蜂蜜牛奶雪糕

預告一下，4 月Haagen Dazs又出新口味喇！乳酪風濃郁牛奶味雪糕，混合埋甜度啱啱好嘅蜂蜜醬，甜甜酸酸咁，好味又健康，啱晒呢個春夏季。嚟緊4月中會去日本嘅朋友千其唔好錯過呀！

【發售地方】日本全國便利商店、超級市場
【發售日期】4月19日
【價格】294YEN(含稅)