搭開飛機都知，其實飛機餐嘅選擇係一定唔夠分，因為航空公司好難吓吓預計倒乘客嘅口味，所以總有一兩次你想食果個雞飯無晒，然後個空姐好慘慘豬咁求你接受佢個番茄意粉…
唔想硬食個自己唔鐘意嘅飛機餐？一早 book 定屬於你自己嘅特別餐啦！
三大熱門 特別餐 一覽
1. 水果餐：新鮮健康之選！
顧名思議成個餐充滿水果，其實飛機餐非常油膩，所以有好多精明嘅飛機常客係會預訂水果餐。私心建議要在亞熱帶地方離港航班預訂！例如係泰國、台灣嘅水果特別新鮮好味！講起都好想食泰國嘅芒果同西瓜！真係好 juicy㗎?
2. 兒童餐：日韓零食超吸引！
兒童餐個樣幾時都咁吸引，無計啦，因為係設計比小朋友食，望落去一定比普通飛機餐吸引～ 不過呢！得意同好食嘅程度可以因為喺唔同城市生產而差好遠！根據我派餐多年經驗，日本同韓國嘅兒童餐係最靚、最豐富同最好味道！啲零食多到我派餐果時都想偷食～大家下次識幫小朋友點啦（然後同小朋友掉轉食?）
3. 印度餐：絕對會令你感到意外！
如果你鍾意去重慶食印度菜，咁你一定要試試航空公司嘅印度餐！講個秘密你哋知，空服員可以享用餐飲服務之後餘下嘅飛機餐，而印度餐通常都係最受空服員歡迎果個！果塊印度麵包，Naan，熱辣辣，點醬食，好好食啊?
其他比較熱門嘅特別餐仲有素食餐、低卡路里餐、無牛肉餐、糖尿病餐等，多到講唔晒，不過知咁多有乜用丫～ 反正你都唔會想食果啲淡茂茂嘅特別餐架喇。總之個人覺得最正嘅就係以上三款架喇?
最後順帶一提，order 咗特別餐嘅乘客係可以食先，唔使等空姐慢慢派餐㗎? 啱晒空肚上飛機嘅你呀！想知點樣預先訂購特別餐？兼職空姐姥姥睇吓有幾多人表態先寫啦～吃貨們仲唔留言話我知你想食！哈哈哈哈。
BTW 感謝讀者支持，我個 Page 開左唔夠三個月已衝破 4000 likes… 要繼續支持我啊❤
FB: 兼職空姐姥姥
https://m.facebook.com/parttimelolo/