現場直擊 | 澳門巴黎人亮燈儀式 | Eugene日常

哇哇哇！澳門巴黎人開幕啦！？吾洗咁心急，其實當晚只係「澳門巴黎人：閃耀艾菲爾」嘅亮燈儀式！但當晚除左有亮燈環節之外，更可以率先體驗呢個「巴黎鐵塔」配上音樂嘅燈光匯演！現在效果簡直比網上的影片震撼好多好多！吾講咁多住，先比大家睇下當日現場嘅情況先！

首先所有的來賓都會上到位於喜來登大酒店8樓的室外泳池，聽聞這是其中一個欣賞澳門巴黎人最佳的位置之一！所以如果遊客嚟到入住喜來登的話！強烈建議一定要上嚟8樓影返張相呃like先！

當日大會安排各位來賓係傍晚時份到來，仲準備左各式各樣精緻小食提供比大家，趁太陽還未落山之際，食返少少野填下個肚，咁等陣就可以專心影「巴黎鐵塔」哈哈哈！（要讚一下小食一啲都吾hea喎）

其實小編我個人覺得黃昏時份即使鐵塔仲未開始亮燈，但已經好靚好浪漫，現場睇戈陣可以更清楚望到巴黎人背後座山有好多大風車！真係頓時覺得自己置身於海外～再配上一杯紅酒，十分的寫意～

見到專業的攝影大哥們都齊齊準備就緒，咁我都吾執輸霸返個靚位準備好先～好啦～開始倒數！準備十！九！……三！二！二！音樂燈光匯演正式開始！！！

掛住睇的我連張相失焦埋都吾知……真係好靚呀！個塔啲色會隨著音樂節奏而變化！咩色都有齊哂！影幾多張都吾夠呀～所以如果大家都有興趣體驗呢個燈光匯演，只要係接下來九月中旬起每晚都可以欣賞到！

咁今次的現場直擊就分享到呢到！想知更多澳門巴黎人的資訊可以入返佢地官方網站留意。
hk.ParisianMacao.com
 
Facebook: Eugene日常
Foodie Instagram:macaufoodie_
 Travel Instagram: ___hy
email: [email protected]

下一頁：陳綺貞澳門開演唱會！

延伸閱讀

澳門兩大酒店水上樂園比拼

澳門巴黎人4 大新設施

澳門永利皇宮 3 個影相位