【日本初體驗】local tour一日遊富士山下搭纜車摘葡萄@貝遊日本

大家好，我係呀貝，上個月我第一次參加左日本嘅LOCAL TOUR，叫做「葡萄任摘任吃及富士山纜車一日遊」! 一早就去到新宿華盛頓酒店集合。

星期日的關係，團友加埋有成四十幾人，坐滿旅遊巴。

我地嘅行程就包括左以下5個CHECK POINT！

下一頁:五合目、河口湖睇富士山雪景

五合目一條龍寄明信片服務

第一站：富士山五合目，由於朝早橫風橫雨的關係，上到黎係睇唔到富士山架！不過一場黎到一定要寄返張明信片，尼道有一條龍服務，買明信片，寫明信片，貼郵票，蓋郵戳，放郵箱可以一次過做晒！哈哈

之後我地無懼風雨，去左格離個神社睇下。仲買左個好特別嘅富士山御守，非常之鍾意呀！

河口湖午餐+睇靚景

跟住就落返河口湖食午飯，尼個就係我地嘅SET LUNCH，團費已經包埋，比我想像中豐富而且味道仲幾唔錯添！

食完就行去纜車站撘纜車上展望台！WOW 個天終於變返好，冇落雨之餘仲開始出現陽光，富士山亦都變得清晰，好開心呀，終於可以一睹富士山的全貌！好靚呀好靚呀，要重覆100次先得！

領隊話原來尼一日我地係好幸運，因為富士山尼日係第一日落雪，所以我地可以見到佢個頂部係有雪積，好靚呀，前一日黎都睇唔到呀！

下一頁:到訪任摘任食葡萄園

又食又飲葡萄園

好快就到第4個CHECK POINT，就係摘葡萄，尼道的確係可以任摘任食，但基於唔可以帶走的關係，所以我地都係摘左一個葡萄咋！我覺得尼個體驗好開心，一直都好想去日本嘅果園，葡萄園好大勁多葡萄比你任揀！

最後一個CHECK POINT就係去試葡萄酒了，一人拎一隻杯。然後可以試飲全部酒筒入邊嘅酒，不過我唔係好喜歡飲酒嘅關係，所以我都係淺嘗左一小口咋哈哈，不過放心，尼道仲有葡萄果汁試飲，非常好味道！

下一頁:最後驚喜 – 領隊晒冷派禮物

最後估唔到仲有抽獎環節，雖然抽唔中我，但佢仲派左好多紀念品比大家，人人有份，非常驚喜呀！

整個LOCAL TOUR一日遊就係咁啦，我覺得非常之正呀！一日之內可以去到咁多咁遠咁好玩嘅地方，真係係好方便好舒服!

我好建議想去睇富士山嘅朋友參加LOCAL TOUR，因為如果自行坐公共交通工具去河口湖及五合目2個地方會比較麻煩，需要轉車而且班次唔太密，而且摘葡萄及試葡萄酒的地方十分偏僻，自己好難可以去到，要跟團先有機會，所以慣左日本自由行嘅我覺得加插一日LOCAL TOUR係行程入面真係唔錯，去到一啲自己想去但又比較難去到嘅地方，比自己做一日懶人，唔需要擔心撘車時間，搵唔到地方嘅問題又可以得到難忘嘅體驗！