台灣苗栗 |手作藍染初體驗 | 附台中至苗栗交通

台北、台中去到悶悶地，不妨發掘下啲新地點！

正正在台中對上的苗栗縣，係一個清靜的農村小鄉，夏天除可以去食鮮甜芒果冰、親手窯烤麵包之外，仲可以試玩藍染！文青必去！！！

01 | 客家藍染民宿　好住又好玩

三義鄉的「卓也小屋」民宿係全台灣數一數二的藍染産地，民宿老闆卓先生文創不應是單純欣賞的藝術品，最重要還是融入生活。住客（同非住客）都可以參加工作坊學做靚靚藍染！

工房由9時到4時每逢搭正就開班授課，老師會先簡單介紹提煉植物色素的過程，接著便教授紮染不同花紋的技巧。藍染步驟繁瑣卻不複雜，但前提要有耐性！！完成時間視乎作品大小和工序，短則1小時，若布料較厚或設計繁複就要有預備玩兩個鐘。懶人或可選擇到商店買現成製作品，用料上乘、手工細膩，不過少咗份親手做的滿足感，價錢相對昂貴。我當時選了製作漁夫帽，價錢約HK$248左右，已經包埋教學費。

初學者可揀從入門級Pattern著手，如花花同菱形等，
步驟唔算複雜，但反覆染同吹乾嘅情序好考耐性同毅力！

02 | 簡單幾步　學識藍染

Step 01：用雪條棍加橡筋紮出條紋留白，記得用力綁實以防染料從空隙滲入

Step 02：放入染缸上色，雙手要不停搓揉布料令染料均勻
記得戴手套！因為染料有化學物！

Step03：每浸10分鐘拎出風乾，布嘅顏色會由綠色變成藍靛色，代表氧化完成

Step04：薄身布料經4次（每次10分鐘）浸泡就搞掂，過水沖洗，最後用熨斗熨直烘乾

成個過程由學起計花了2小時，如果整手帕、索繩袋就需時較短。

03 | $950 住獨幢 Villa

唔好睇民宿外觀純樸，實際上係非常迎合城市人需求！老闆好有心地近年重新裝修過獨幢嘅VIP房，極之新淨實用！平日每晚約HK$950（兩人SHARE），面積320呎，好寬敞！

卓也小屋
地址：苗栗縣三義鄉雙潭村13鄰崩山下1-5號
電話：+886-(0)3-787-9198
房價：雅致客房平日NT2,200/HK$539、假日NT3,000/HK$735、VIP雙人房平日NT3,900/HK$956、假日NT5,900/HK$1,446
網址：www.joye.com.tw
交通：從苗栗高鐵站乘40分鐘的士車程