台中美食 | Q彈而且入口即溶的滷豬腳

有時去到一個地方，了解一下人地嘅文化都係好事來的
台灣人相信食豬腳除了有祝福的意思外，而且亦有消災解厄運的作用，
而且台灣人亦都喜歡用豬腳去送禮。
BTW當你嚟到台中唔知食咩好，如果小編話你聽有間滷豬腳大大隻又好「骨膠原」，
而且你仲可以將美味帶返香港，
你又會唔會嚟呢間喺台中公園隔離嘅滷豬腳店食好西呢？

阿水獅豬腳大王係一間喺台中相當出名的滷豬腳店家，成立至今已經超過40年
店家的最特別之處，正正就是佢按古法調製嘅滷汁以及門口幾個滷豬腳大甕(狗姆鍋，古代員外滷肉專用)：
滷汁是以「高慶泉」醬油、米酒、紅甘蔗汁以及新鮮蒜頭配製而成；
而豬腳則選用前腳部份，然後放入熱水煮熟，之後放入冰櫃急凍12個鐘後用活水直接解凍，
再放入滷汁裡燉3-4小時，然後浸泡12個鐘，最後放入門口個幾個黑黑地色嘅大煲繼續煮待客人享用。
而門口狗姆鍋嘅滷汁店家宣稱不曾刷洗，亦因為咁先保留到最古老而可口的味道。

小編個次同親友特登行左過去喺台中公園對面的分店試試，
一坐低睇兩睇就一人叫左個豬腳麵線同另外叫多個空心菜嚟食。
豬腳麵線嚟到嘅時候，小編一來覺得好厲害，因為豬腳真心大，
二來覺得豬腳同旁邊嘅麵線同滷蛋成件事好Match(麵線在台灣人心目中是長壽的意思)。
一夾起舊豬腳嚟食，真係好有「骨膠原」而且外皮很Q彈，
入口短短幾秒鐘就溶化而且外皮不會太粗糙，食起上嚟爽口嘅；
加上豬腳經過滷汁浸泡咁多個鐘頭，變左唔需要加任何調味料都好夠味，
你可以揀要腳蹄或者中段，前者同後者只相差NT$5(NT$110 VS NT$115，小編無記錯應該揀了前者)。

至於旁邊的麵線由於索左滷汁同加了肉燥，成件事真心好食，
而隻滷蛋經過滷汁嘅「試煉」後亦顯得相當入味
當然店家的蹄筋和白菜滷都可以試試的。

如果大家想將豬腳嘅美味帶回香港，佢地亦有推出豬腳禮盒，
一盒NT$700有10隻豬腳(那次小編去仲平啲)，小編其中一位親友就真係即場買左盒返香港；
不過如果你未必會到佢地舖頭嘅話，店家亦設有宅配服務，
只要下午3:00前訂購，隔天店家就會出貨並用宅急便送到，
(訂一盒要收NT$150運費，兩盒以上免運費，而台中市4km內訂一盒都係免運費)
而且台灣本島全都會送，大家即使唔喺台中都可以訂，
詳情可以上返佢地網站睇睇：http://www.assfood.com.tw/E.htm
嚟到台中，大家真係要嚟試試呢道滷豬腳！

講左咁耐，唔講分店位置好似好衰仔…佢喺台中有三間分店，另外北部只有台北和永和兩間店

台中公園店：台中市中區公園路1號(干城站行前少少就係)
Tel：04-2224-5700
營業時間：上午10:00－晚上8:30

台中自由店：台中市自由路二段88-6號(台中公園自由路入口對面)
Tel：04-2226-3139

台中河南店：台中市河南路二段528號
Tel：04-2706-7258

台北忠孝店：台北市忠孝東路四段235-1號 (延吉街口、合作金庫旁)
Tel：02-27521997
營業時間：上午10:00－晚上9:00