好多人問我京都之旅住邊間酒店，其實我今次冇住酒店，因為紅葉季節嘅京都酒店係貴到痴線（起碼 4 位數字 1 晚！），我身為窮苦大眾住唔起呀！
〖價錢〗
所以最後揀咗 Airbnb 超細間 apartment，只係需要 $1,286 就可以 2 個人住 4 晚，即係平均每人每晚只需要 $161！
〖位置〗
咁平嘅價錢當然有好多不足之處啦，首先距離京都站都頗遠，撘巴士需要 30-40 分鐘車程，但起碼附近有巴士站同可以利用京都巴士一日卷，慳返唔少車錢！同埋好彩附近都有景點。
〖房間面積〗
第二個不足當然就係勁細啦，可以見到畫面有 2 個床舖，但攤開舖完之後係會冇晒位?而且仲冇電視睇?但係佢有獨立廁所，即刻加返分（因為本人唔係好鍾意 share 廁所），而且麻雀雖小，但五臟俱全，有電磁爐煮嘢食同有洗衣機洗衫（不過呢啲我都用唔着?），host 仲準備左杯麵飲品比我哋（好貼心呀）！
〖衛生問題〗
輪到最關心嘅衛生問題，放心好乾淨，被舖係會有毛粒，但 4 晚都冇出現㾗癢徵兆，晚晚一秒訓著? 而且雖然住 1 樓，但完全冇嘈吵聲音！
網友點評：
- Bat Tam：我暑假住東京 6 日都係 1000 HKD，環境都唔錯，又近 Metro。Airbnb 都幾完善下，同埋搵 D 多好評既就通常都無問題（5/12）
- Rick Hui：每人每晚只需要 $161 都有呢個質素算唔錯，之前我係京都住過果啲飯店 $2XX 一人房一晚，又要 share 廁所/ 浴室，房又有陣味又污糟隔音又最差，但係飯店到京都車站都係 5-10 分鐘步行距離（5/12）
- Ta Y Lam：Airbnb 初體驗第一晚以失眠黎留下深刻印象。係我問題，太攰。九點幾十點就訓咗。十次咁早訓，有十一次都一定兩三點就醒?（6/12）
