Q5│生日入場齊齊減￥500？
A：USJ有一款門票叫「Birthday 1-day Pass」，只需上網登記成為「Club Universal」會員（免費），於生日的月份及之後一個月入場，都可以獲得減￥500的折扣，即￥6,900就可以買到一日門票，而且同行人士（最多5名）都可以享有此優惠！舉例，如果你是8月8日生日，即整個8月及整個9月入場，你跟同行朋友（最多5名）買入場券時，人人都可以減￥500！
Q6│外國人都可以買年票？有咩著數？
A：非日本居民都可以在入口的售票處買到年票（￥21,800），如果你一年會去3次或以上，年票會比逐次買一日門票（￥7,400）抵玩。另外，你每次入場，同行的朋友（最多5名）買一日門票，每人都可以減￥400，你生日的月份跟你一同入場，每人更可以減￥1,200！
Q7│有半日入場券？
A：USJ最近推出了兩款期間限定的半日券，可於下午3時後入場，適合不喜歡玩機動遊戲，但想睇巡遊及拍照的遊客。即日至9月4日的是「Summer Twilight Pass」，每人￥5,800；9月5日至11月6日就轉為「Halloween Twilight Pass」，每人￥5,900。
Q8│「Express門票」可以逐張買？
A：雖然買「環球Express門票」可省回不少排隊時間，但張張起碼二三百蚊，都幾肉痛！如果只想玩一兩項的話，原來園內可以買到個別遊戲的「Express門票」！這個優惠叫做「食完先玩」，即是於4間指定餐廳（芬尼根Bar & Grill、園畔護柵、草帽大船團盛宴餐廳及彩道）享用指定的菜式，便可以用￥800購買一張「Express門票」！暫時只可以玩到9項遊戲，包括「龍珠Z The Real 4-D」、「太空幻想列車」、「蜘蛛俠驚魂歷險記」及「荷里活美夢．乘車遊」等等，但要留意每項都有配額，先到先得！所以，建議早一點去開餐！
Q9│「小學雞遊戲」快證免費派？
A：如果跟小朋友入場的話，就要留意這個叫「預約乘車樂」的服務。「環球奇境」園區內有5項遊戲都可以使用這個服務，包括「飛天史努比」、「Moppy熱氣球之旅」及「Elmo Go-Go滑板」等等，各遊戲入口附近都設有「發票機」，只需選擇乘坐時間，即可以列印出「預約乘車樂」的門票，完全免費！
相關文章
USJ買飛攻略 （上）│ 幾十款門票點揀好？ | 主場‧日本
USJ 哈利波特 哈囉喂 |「食死人」殺入活米村 | 主場‧日本
SMAP 今年底正式解散！我對 SMAP 與 USJ 的 6 個回憶
日本環球影城 USJ 萬聖節 2016 | Stuart Minions 爆谷桶 登場！
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
大阪有什麼好去處及景點推介？
大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。
