1) 齋坐王 － 行兩步坐半粒鐘
去得遊樂場玩就預咗要行架啦～間唔中休息下當然要，但有D人硬係好似冇食飯咁，行兩步就要抖半粒鐘。一大班人去玩仲煩，試過同十幾個人去東京迪士尼，由入口行成粒鐘都未去到城堡，喂張飛幾舊水架=_= 結果我離隊自己玩咗一日。
2)西伯利亞王 － 怕熱怕過乜
我當然知去遊樂場玩好熱啦，差唔多全日outdoor，尤其香港夏天的確好難頂，識玩一定帶多件衫換，但遇過D friend好似見光死咁，成日要呢係餐廳，真係幾冇癮。
3)懶惰王 － 唔肯排隊
有D遊樂場，尤其日本果D好似東京迪士尼或者USJ，即使閒日去，都要有心理準備全日要用三分一時間來排隊。但有D人唔知，見條隊長就懶得排，結果其實會乜都玩唔到！
4)投訴王 － 比咗錢當自己皇帝
「大帽山港女」果類人其實係主題公園日日出現，好多人比咗錢就當自己皇帝，小小事就多多投訴，故意令職員難做，最後其實都係想R著數，你係佢身邊個friend就真係只想搵㝫捐啦。其實入park玩都係想開開心心，無謂小小事就勞氣啦！
5)自拍王 － Selfie 呃 Like 成癮重症
入樂園自拍呃Like係常識，但一兩張咪夠lor…城堡又影、米奇又影、電燈柱又影、涼亭又影、樹又影、櫈都影一餐，真係有D想帶佢去睇醫生……
下一頁：貪靚王著錯衫、著數王爭免費贈品？
6)龍友王 － 入樂園只為影相
同自拍魔人有d似，不過呢類人唔影自己，影其他人或影景。帶住一部專業大機連埋腳架，到處捕捉最美一刻，甚至為咗等待最美嘅天色同光線而停留係同一個位半粒鐘，為咗尊重佢嘅專業，我唯有行開自己去玩啦……
7)貪靚王 － 靚衫大過天
一般旅伴去樂園最期待是玩機動遊戲，所以穿著都會以波鞋、褲子等輕便類型衣物為主，但偏偏有些貪靚人士穿高根鞋、超短裙等衣著，或是貪方便「踢拖」出動，結果玩遊戲時經常抱怨怕飛甩拖鞋、吹亂髮型等…
8)著數王 － 同o靚仔掙著數
大家都知可以問迪迪尼職員攞貼紙，而佢地係大人細路都會派。但有D大人見到有細路攞，又衝埋去掙，身為佢個friend真係會好鬼老尷。
9)冷靜王 － Poker Face 看世界
呢種Friend真係終極難頂，去得樂園大家都重拾童真開開心心時，佢由頭到尾黑口黑面，呢樣又話幼稚、果樣又話冇興趣，成team人就會比佢一個人搞到冇哂mood。
比咁多錢去樂園玩一日，大家都係想開心下輕鬆下～遇著唔夾嘅partner結果攪到鬧交就唔好，希望你能夠搵到一班又夾又肯同你癲嘅樂園友啦！
