從上海迪士尼採訪回來，朋友同事都說我是「勇士」，不過真心查詢樂園狀況的比較少、八卦「災情」比較多，以下查詢，是我作為迪士尼Fans的真心感受，可能你們都有興趣知道答案吧！
Q1：有冇踩屎？有冇見到屎？
A：無！但見到好多「黃金」，因為Grand Opening好多限量精品都是金色的！
Q2：有冇見到細路隨地痾尿？
A：隨地就沒有看到，但有對著草叢痾及在膠袋膠樽痾！
Q3：個場係咪好大？
A：係！好大、太大，行到腳軟，但開幕初期遊樂設施唔算多！
Q4：好唔好玩？邊樣最好玩？
A：不少設施早在別的迪士尼玩過，我只玩了兩樣。「Tron過山車」玩法有新鮮感，但除了出發一剎高速較刺激外，跟Space Moutain差不多，未算驚喜！反而「加勒比海盜」的船上歷險意外地精彩，8分鐘穿梭多個室內場景，高潮位模擬跌入海底，兩層樓高清屏幕將大家無穿崩包圍，非常震撼！
Q5：要唔要排好耐隊？
A：開幕首日異常少人，不少遊戲排隊時間少於60分鐘，第二日則比較多人，幾乎所有遊戲都要等1-2小時！
Q6：值唔值得去？
A：視乎你有多愛迪士尼，想去的話愈早去愈好，暫時遊客都以較文明的上海人為主，但我並不建議夏天去，因為熱得要死，很易中暑！
Q7：如何購票？
A：可直接到官方網站以信用卡購票。一日票RMB 499，兒童（1-1.4米高）及長者RMB 375；兩日票RMB 950，兒童及長者RMB 710。