最近有朋友影到某航空公司於機艙派發大陸生產「哇哈哈」樽裝水，感嘆飲啖水都唔安樂。其實飛機餐一向都稱唔上「美味」，個人食過最難食嘅飛機餐，應該係大陸啲內陸機！不過低處未算低，大把騎呢難食飛機餐大家未見識過！有網友收集了「航空劣食圖集」，到底邊間航空公司嘅 飛機餐 先最重口味？真係好難分出勝負啊！
01 | 瑞安航空：腦漿burger
來自在愛爾蘭的廉航 飛機餐 ，呢件咁有諗頭嘅「腦漿漢堡包」，雖然唔係萬聖節限定，但都唔係話你想食就畀你食，畀錢先有得食！
02 | 德國漢莎：孤寒到爆嘅三文治
青瓜芝士三文治，聽個名似乎都唔錯，揭開睇睇，中大伏！青瓜得嗰零丁三條，芝士睇落都知係平嘢，會唔會孤寒咗少少……
03 | 新加坡航空：到底係粥定係……
佢哋話呢一碟係雞粥喎！我點都唔信，明明橫睇掂睇都似係一堆嘔吐物再加大量口水同痰啦！
04 | 菲律賓航空：蠱惑的肉
與其話呢一堆係肉，不如話係一團神秘嘅生物，你睇下右上角嗰嚿嘢，似唔似隻逃走緊嘅龜仔？
05 | 阿德里亞航空：寒酸三文治
呢個吞拿魚三文治睇落都正正常常，不過冇誠意咗啲囉！
06 | 國泰：1比99消毒過嘅薯仔
真係不得不讚香港人愛整潔嘅程度，乾淨到連薯仔都要消毒，定係其實因為個廚師本身有潔癖呢？
07 | 中國國航：溫馨雙人浴
燒賣粥？我剩係見到兩團肉球喺浴缸入面好sweet sweet咁浸緊浴……
08 | 澳洲捷星：螢光蛋
呢一pat螢光黃嘅蛋，應該有好豐富嘅營養價值！不要怕，只要信！
09 | 全日空：睇唔明
未去到日本，已經對日式咖喱徹底失望，再睇下隔籬嗰碟，到底係咩嚟？清蒸老鼠肉？
10 | Air Asia：劣質杯麵
唉！去旅行都仲要捱杯麵，仲要係劣質杯麵，施捨杯合味道畀我都好！