因為住新界西，其實都好少突登過港島行山(去得港島不如去西貢),不過有朋友住港島，就唯有選條港島HEA行路線，鰂魚涌-大潭。呢條線慢慢行都係兩粒鐘，其實都係當行路咁行，一開始係鰂魚涌A出口出嚟後轉右，行到天橋底就見到起點。
鰂魚涌 A出口直達起點：
轉右沿車路慢慢行上山。
沿途有貓貓俾你玩。
行一陣就上到半山咁高。完全唔辛苦。
行到一半會見到個亭,可稍作休息。之後轉右就開始落山啦!
行到落底就係大潭水塘!過對面轉左繼續行就差不多完成今次HEA行
YOUTUBE見過有人係大潭跳水,老老實實唔好污染地球啦!
行多陣已經開始入黑了!
一出到黎先係惡夢,我諗因為係假日司機(HOLIDAY DRIVER)唔夠班行大潭所以搞到塞車,而呢個出口只係得1條小巴落柴灣16X(通常無位)同1條巴士線(14)落西灣河,所以都係要局等。醒目嘅我唯有過對面線搭番入赤柱再轉車出去。
如有任何疑問可電郵:[email protected]或ＰＭ我