最後更新：2016年1月26日
注：以下所提及的價錢為來回連稅價錢，及未包廉航寄艙行李費，以淡季作標準。價錢及建議是小編個人之經驗，只作參考用途。
歐洲機票入手價
最低價：過去一年以來嘅最平價錢，可遇不可求。
入手價：搵機票個陣見到呢個價都叫做唔錯，買得過。
正常價：平時無優惠做緊嘅正常價錢。
俄羅斯航空 (經莫斯科轉機)
卡塔爾航空 (經多哈轉機)
阿提哈德航空 (經阿布扎比轉機)
阿聯酋航空 (經杜拜轉機)
想平去歐洲又肯轉機既，中東三寶 (卡塔爾航空、阿提哈德航空、阿聯酋航空) 同俄羅斯航空都會輪住做優惠，差唔多一個月都有一次優惠，只要早4至5個月買一定都有平！講價錢俄航就最平，而家賣緊最平三千幾連稅，而講性價比當然係五星航空公司卡塔爾航空。連本來少優惠既阿聯酋航空，近排都好積極推出平飛，佢隻歐洲機票特點係可以中停杜拜，俾你玩多個地方！中東三寶既優惠更一次平過一次，小編建議四字頭連稅就一定可以入手，出發日子彈性的話，用最低價買到張機票都唔困難。
如果想坐直航既，一定要早留意住，因為唔太多優惠出，直航可以留意呢幾間航空公司：
1. 法國航空/皇家荷蘭航空 (約3個月一次優惠)
阿姆斯特丹：最平試過連稅$4,200，而家賣緊，只限2月出發，平時入手價$6,000。
巴黎：最平試過連稅$4,433，而家賣緊，平時入手價$6,000。
2.芬蘭航空 (約3個月一次優惠)
芬蘭赫爾辛基：最平試過連稅$4,264 (2015年8月見過一次咁大把，之後就無啦)，入手價$6,500。
3.瑞士航空
蘇黎世：最平試過連稅$4,287 (2015年12月個陣)，入手價$6,000。
4.英國航空 (約半年一次優惠)
倫敦：最平試過連稅$6,267，入手價$6,600。
5.維珍航空 (約3個月一次優惠)
倫敦：最平試過連稅$2,525 (ZUJI 賣$787 優惠個一次，不能作標準)，入手價$6,400。而$5,500至$6,000連稅同轉機價差唔多既優惠價唔難出現，而家都有，平時預早半年留意啦。
6.北歐航空 (約2個月一次優惠)
瑞典斯德哥爾摩：最平試過連稅 $4,483，入手價$5,200。
7.漢莎航空 (約半年一次優惠，仲要係大優惠)
慕尼黑：最平試過連稅 $4,927，入手價$6,000。
法蘭克福：最平試過連稅 $4,519，入手價$6,000。
8.土耳其航空
伊斯坦堡：最平試過連稅$5,870，長期無優惠，入手價$6,800。
9.國泰航空 (約3個月一次優惠)
國泰航空每星期二朝都會有fanfares，大多數都會有歐洲航點，價錢亦都好平下，即係表中既最低價！而且佢宜家有隻長期歐洲優惠，直航價錢連稅一般大約$6,000左右，即係表中的入手價。唔係旺季出發的話唔難搵到呢個價錢。
結論
1. 黃金定律！去歐洲的話一定要早訂，好少會有last minute 優惠。
2. 肯轉機既一般坐中東三寶或俄航都會有平，至於要坐直航既要無時無刻留意住啦，優惠罕有之餘又勁平！尤其係倫敦，維珍既直航價錢絕對同轉機價有得fight！
3. 通常歐洲既優惠都可以openjaw，即係不同城市來回，咁就可以避免走回頭路，用Multi city 功能search 就得！如果想飛倫敦的話建議倫敦入其他城市出，咁就可以避咗個昂貴既離境稅，大約平$1,000 左右。
4. 至於暑假旺季出發，根據往年經驗，剩係得卡塔爾航空有機會係半年左右之前出優惠，連稅大約$5,000，但其他航空公司全部無優惠，直接Skip 左暑假。
5. 歐洲既內陸廉航非常多，包括Ryanair、easyJet、Flybe、Niki、Germanwings、Vueling等等，所以如果想去啲二三線航點，或者甚至係歐遊既，可以選擇以米蘭、羅馬、馬德里呢啲機場稅比較平既航點作為起點及終點，中間就坐內陸廉航會平好多。
* Flyday在此優惠刊登前，已作出訂購測試，確保優惠有效。然而，優惠可能經宣傳後反應熱烈而有所調整。