文：KLOOK@書展直擊 | 訪問嘉賓：夏蕙BB
01）「你覺得香港人應該儲錢供樓先，定係去旅行先呢？」
夏蕙BB：
講真吖！如果儲錢供樓就真係供唔到，譬如你買層樓都要400萬吖嘛！咁你都要畀200萬出嚟做down payment(首期)㗎！咁你諗下去旅行，最多係一萬銀一次啫，*要去200次旅行先等於一個首期* 。好似我哋呢啲呢，就趕唔到買樓㗎喇！儲埋啲錢買棺材就差唔多，咁就梗係去旅行啦！同埋後生仔去多啲旅行一定好，學多啲，睇多啲，唔好喺度坐井觀天，去旅行可以見識好多，識到好多嘢，是是非非佢都會明白好多嘢。
*此句為BB在鏡頭後的補充*
小編心諗，假如一個普通人一年去6次旅行，都要足足34年先去到200次旅行。 屈指一算，到時都差唔多5-60歲，至少喺退休之前可以同人講句：「我已經去過 200次旅行。」咁嘅人生，於願足矣。
02）「覺得一男一女去旅行係純屬友誼定有路？」
夏蕙BB：
以前我哋嗰個年代就純友誼，但依家呢，太開放喇！一男一女去旅行梗係有嘢啦！咁點解要去旅行呢？嗱我話畀你聽，以前個個都有房有樓，依家嗰啲劏房成家人一齊住，咁你帶個男仔或者帶個女仔返去，幾唔方便呀！大聲啲，定係嘈啲都會被人知道，去旅行咪搞掂晒佢囉！
但當然，以上一切嘅大前提係首先你要有……
03）「人生中第一次同男仔去旅行係幾時？」
夏蕙BB：
嗰時我好細個㗎咋！都係小學嗰時，都係一男一女去，但唔係有嘢嘅，純粹係同學啫。多數去淺水灣呀、赤柱呀，因為我哋目的都係去游水練身體，冇想入非非嘅！
https://youtube.com/watch?v=60aEw9_R0cQ
小學就已經一男一女去旅行，仲要係鴛鴦戲水，都話係冇嘢，女神果然是女神。
04）「覺得邊個城市嘅男仔最正？」
夏蕙BB：
梗係香港啦！因為我係屬於香港㗎嘛！同聲同氣嘛！外國男仔我就一定唔得㗎喇！雖然語言溝通係冇問題，但係風俗人情係唔同嘅，咁我當然係搵番香港男仔嘅。
https://youtube.com/watch?v=XXl6PbtbQoI
講到呢度，各位港男係咪好鼓舞？
05）「如果有個靚仔鬼仔 或 oppa 嚟香港旅行，請你做導遊，你會帶佢去邊同做啲咩？」
夏蕙BB：
咁就梗係山頂啦，山頂係香港嘅名勝。同埋海洋公園，海洋公園有好多嘢睇嘅。
https://youtube.com/watch?v=9O_aBf1rzDI
06）「去過咁多城市旅行，覺得邊個城市最值得香港學習？點解？」
夏蕙BB：
我就梗係鍾意三藩市啦！因為我個女係嗰度，我去到三藩市好似個女王咁，佢哋啲人好好，人情味一流。
https://youtube.com/watch?v=L93BS3f63Po
唔知大家有冇都好似小編一樣，有時覺得離開咗香港再喺外邊遇番嘅香港人，反而比喺香港日見夜見嘅更加有親切感。
而我不知KLOOK是誰？
- KLOOK為目的地旅遊活動與獨特體驗預訂平台，產品覆蓋40個熱門旅遊城市超過1,600項特色活動。
- KLOOK由一班香港80後在2014年9月成立。在短短1年多KLOOK app已上百次被選入app store「最佳新應用」，更於2015年年底榮列「app store 2015 年度精選」以及Google Play 「Best of 2015」年度最佳應用。
- 2016年7月20日 Apple Pay 登陸香港，KLOOK app 為首批同步推出支援 Apple Pay 的手機應用程式。
- KLOOK宗旨 – 難得有假去旅行，交通行程不容有失。想玩偏門活動又唔想中伏？KLOOK嚴格篩選各地行程、交通、通訊產品供用戶一站式預訂及提供快速確認服務。
