撰文：WM｜圖片：劇照｜資料：香港討論區｜原文刊於：新假期
有一名女網民早前於香港討論區上出文大呻，指自己經姊姊介紹之下認識了一位男性，而覺得與男性的聊天過程都相當投契，所以經朋友介紹下一同前往一間高級餐廳食飯，準備進行更深入的了解及看看是否有發展可能性。
不料該名男生坐低後看完餐牌就面露難色，並爆出一句：「個焗飯好似唔錯！！」，而女事主察覺到其話內玄機是因為焗飯為全餐廳最便宜的單品。女事主續指：「嚟到點都試下佢啲意粉同扒」，男生立即黑面。
最後兩人無奈逼使下只能夠分開叫嘢食，而該名男生亦開啟「Hea應Mode」，對資本社會令到餐廳啲嘢食太貴作出無聲控訴。臨埋單之際，男生就已經於銀包拎出焗飯的銀碼，仲要未連加一。女事主指：「怕死要俾埋我果$份咁」，最後女事主都無法再忍受所以豪氣地用信用卡埋單，然後不理該名男生揚長而去。
港女無奈大呻：「你有無咁窮啊」
事主於最後都表達自己第一次與陌生人進餐，就算再港女都不會要求對方付全數。最後大爆一句：「你有無咁窮啊」，表示男生的小氣和市儈。有網民就追問其餐點價錢，事主就指焗飯為$150，而意粉和扒加起來約$500，本來想開心Share。但該名男生怕要俾晒所以決定一嚿都唔食，最後女事主只能無奈獨食意粉和扒。
網民：一餐飯就睇清為人！
有網民就指其實這樣也不錯，起碼用一餐飯的價錢就能看清對方的為人，不用再浪漫時間於其身上。更有網民直言該名男事「窮得好肉酸」，指如果是自己約會的話，一定會先請女生食飯，而下一餐再留給女生請客。
當然亦有部分網民表示，女方亦有錯，指首次約會不應去高級餐廳，第一次就係咁貴會令人有負擔。
撰文：WM丨圖片：劇照｜資料：香港討論區
