何廣沛郭子豪大爆船P真相 指一線女星講大話、扮醉

撰文：東方新地｜圖片：東方新地、Mean Talk影片截圖、江嘉敏IG、馮盈盈IG

郭子豪重提船P事件

去《Mean Talk》就要爆料，主持江嘉儀旁敲側擊，要何廣沛、郭子豪及奶仔方紹聰爆圈中藝人是非當人情，郭子豪率先開口，提及去年發生的女星遊船河事件，雖然他沒有親口說出兩位女主角的名，不過全世界都知她們是誰。江美儀問是否兩位女主角都是一線，郭子豪答「係」，反被江美儀笑：「乜原來佢哋依家係一線？」

可靠消息指當中一人講大話

郭子豪表示自己掌握船P真相，直指其中一名女主角講大話，是她存心放料給傳媒。

何廣沛忍唔住加入討論

正當眾人議論紛紛時，何廣沛忍唔住，表示其實自己亦知情，仲話同兩女主角都合作過有交情，他大爆：「其實事後其中一方打畀另一方想了解件事，不過對方唔接電話囉！」郭子豪就再爆其中一女主角在船上扮飲醉。

同兩個女主角都有交情

其實何廣沛同郭子豪同兩位女主角都曾合作，何廣沛更與二人相熟，被江美儀多番追問下，他愈講愈多，表示與經理人都曾經講起這件事，更為兩女主角改了花名，一個叫「唔聽」，一個叫「扮聽」，何廣沛笑指二人其實不相伯仲。

重提兩大一線花旦船P內幕

延伸閱讀：馮盈盈江嘉敏上年疑因船P反目

馮盈盈同江嘉敏同年簽無綫，拍劇、做主持齊被力捧，二人本來拍住上，卻疑因為一個富豪船P而令關係徹底破裂。馮盈盈曾被踢爆同賭王兒子何猷亨一同到達深灣遊艇會上船參加富豪船 P，她事後澄清是新相識，又指江嘉敏是中間人，不過江嘉敏即反駁冇做媒，自爆船P前眾人早已在飯局內認識。

幾個女仔本來一齊去船P好開心，不過事後各有各撐，口供亦唔夾，江嘉敏爆料話眾人早已認識出席過飯局，同馮盈盈所講的新相識有出入。