撰文：CY｜圖片來源：facebook群組@生仔要考牌系列、TVB《家好月圓》劇照、TVB《BB來了》劇照
內地家人回港同住爆衝突 港女斥大陸人講嘢大聲仲好冇品
事主媽媽與姐姐來港7年有多，不過，似乎兩地文化差異相當嚴重，衝突多到可以列出7宗罪。首先事主鬧兩人講嘢大聲似茶樓。「每晚傾偈聲浪都好似茶樓午市咁。」而且更在事主熟睡時製造噪音，似乎相當乞人憎。
她再指姐姐經常獨霸廁所，事主急用廁所時，只可以跑落公廁。有一次姐姐獨自在廁所一個多小時，一出廁所就話廁所無法沖水，指控事主弄壞廁所，事主委屈表示：「佢點用廁所法我真係唔知，亦唔知佢點解要賴落我度。」
她再斥大陸人冇信用，講明夾份買盤菜，最後要自己一個埋單。每次事主難忍怒火鬧番轉頭，姐姐就會不斷揼地，又大鬧「去死」、「賤種」，媽媽更加把口話：「嗰個係家姐，你憑咩冇大冇細？」惡毒言語講不停，令事主相當難堪。
而且，最近她更發現明明大家份糧差無幾，人工都賺1.7萬起跳，自己卻要畀多3千元家用，一上前向姐姐追問，卻只換來一句「賤種」收場。
事主在文中又指，自己與媽媽及姐姐兩人毫無感情基礎，忽然同居已經甚艱難，或許是地區文化有差異，她更直言：「基本禮貌、尊重，以及價值觀上都十分不同。」她在文末感歎：「而家住緊間屋係我由細住到大的，而家我只想佢哋搬走。」似乎7年忍耐已經讓她走到盡頭。
網民看畢事主經歷後都相當同情，留言表示：「（姐姐）揼地其實係咪有智力問題？」「下次玩大啲報警。」亦有網民認為母女兩人擺明想迫走事主，提議用法律方式趕走兩人，如果租契上冇兩人名稱，事主就可以大條道理趕走她們。
不過亦有網民認為親情可貴。「佢始終係你阿媽，我覺得試下攤開嚟講，傾一次啦……講過一次，起碼對得起自己，你阿媽百年歸老時，你唔會後悔。」
貼文原文
資料來源：facebook群組@生仔要考牌系列