瑞士，出了名風景好，物價高，極民主，也是其中一個非歐盟歐洲國家。因為姨姨在瑞士居住多年，從少就儲起利是錢為了那張對小朋友來說是天價的瑞士機票。這次旅程有瑞士旅遊局贊助，不花一毫就能實現小小願望，懷著Hihi的心情坐十二小時飛機去破風（其實瑞士好多山，不知幾淆底）。
第一次去歐洲，亦是第一次被Upgrade到Business Class（可能上帝知我下年開始要訓街﹐俾我咁豪華）。坐Swiss Airline已經感受到瑞士是個不折不扣的芝士國，每一餐都有芝士（唔同款嘅芝士），每一餐也是麵包（唔同款嘅包，除咗饅頭）。
早上6點到達Zurich蘇黎世，因為要等還未抵達的北京隊，香港隊先坐火車出發到Stein Am Rhein。 Stein Am Rhein是位於Rhein河邊的一座古城（查實瑞士差不多個個市鎮都有古城）。在香港，大部分年過60/70嘅香港單車友都是送外賣的，而在Stein Am Rhein可以看到配備了車尾袋及營具的公公婆婆車友。
租單車遊蘇黎世
回到Zurich，到火車站附近一間單車店 － Zuri rollt 租單車遊蘇市；瑞士不同地方政府都有單車資助和服務，所以在Zuri rollt可以免費租單車和頭盔（但要放低100CHF按金），亦可到其他單車站租車還車。單車上配置了人力發電的車頭燈、車尾燈及一個車籃。出發之前要檢查一下單車有沒有問題，就在我用力踩上斜的時候，因為太肥個Seat位跌咗落嚟鳥。
一開始帶團伯伯說在蘇黎世踩車好恐怖，好多車；事實上瑞士行車線旁都會有黃色線將單車徑與車路分隔開，從來不會有車逼你。到現時為止，我在大陸、澳門、紐西蘭、泰國、澳洲踩過單車（喺馬路），我個人依然覺得只要在香港踩過馬路，去到邊都踩到架喇⋯⋯
當然不能掉以輕心！
瑞士踩單車有咩注意？
1. 瑞士是靠左行駛，香港則是靠右行駛。
2. 帶頭盔（瑞士法律上沒有規定踩單車要帶頭盔，但既然要威咁就最好帶頭盔）
3. 過馬路時沒有單車線要落車推車
4. 租單車後要檢查清楚單車運作是否正常。
5. 習慣租車的前後剎車位置
Hea踩完蘇黎世，明天就開始深度單車遊瑞士！
預告：
早抖zzz
Zuri rollt 英文資料：
https://www.zuerich.com/en/visit/sport/zurich-on-wheels
[ Yanki ]
下一篇：【單車遊瑞士】(二) 海拔2436M髮夾彎
